Endurhæfing íþróttafólks er viðkvæmur jafnvægisgangur þar sem við gætum fyllsta öryggis í takt við brýna þörf og ósk skjólstæðings um að komast aftur til keppni. Í Gáskateyminu starfa tveir sérfræðingar íþróttasjúkraþjálfun sem búa yfir mikilli þekkingu og reynslu á þessu sviði (sjá umfjöllun um Árna Árnason og Unni Sædísi Jónsdóttur. Tækjasalur Gáska býður upp á aðstæður til sérsniðinna æfinga sem tryggja eins skjóta og hnitmiðaða endurhæfingu og kostur er.

Óstöðugleiki / styrkmisvægi í fótleggjum er lævís, óvelkominn gestur í stoðkerfi íþróttafólks og annarra. Þessi vágestur er alloft undanfari breiðrar flóru algengra álagsmeina í hnjám og skaða eins og krossbanda- og annarra liðbandaslita í hnjám.

Samvinna við sjúkraþjálfara er gríðarlega stór þáttur í forvörnum hjá líkamlega virkum aðilum eins og íþróttafólki, sem oft getur talist í auknum áhættuflokki til að hljóta stoðkerfisskaða. Að sama skapi er aðkoma og félagsskapur sjúkraþjálfara í endurhæfingu eftir bæklunaraðgerðir alger lykilþáttur í vel heppnaðri og skjótri endurhæfingu.

Hásinaslit

Hefðbundin meðferð (án aðgerðar)  vegna hásinaslita felst í því að hásinin er fest  í styttri stöðu með notkun gifs og gönguspelku í 8 vikur. Í kjölfarið á þeim 8 vikum er haldið áfram að hlífa sininni við ofaukinni lengingu og álagi, samhliða því að uppbygging hennar hefst. Hér er aðkoma sjúkrajálfara gríðarlega mikilvæg, m.a. Vegna aukinnar hættu á endursliti eða misvægis á hlutfalli lengdar og styrks í sininni sem er að myndast. Þegar allt gengur vel telst endurhæfingu lokið 6 mánuðum eftir skaða.

Ökklatognanir

Ökklatognanir hvimleiður vandi íþróttafólks og annarra. Þegar í ógöngur er ratað er mikilvægt að byggja upp skyn- og vöðvaþátt þess að halda jafnvægi.  Við byggjum upp stigvaxandi getu ökklans til að halda jafnvægi og framkvæma flóknar færniþrautir, allt í samræmi við kröfur íþróttagreinarinnar til ökklans. Leyfðu fagfólki að tryggja þér árangur í endurhæfingu - það er bæði skemmtilegra, öruggara og kemur þér sem fyrst aftur á völlinn.