Grindareinkenni / Grindargliðnun

Er ég með grindargliðnun? Á mér að líða svona í stoðkerfinu á meðgöngu?

Þessi tími getur valdið okkur öllum ringulreið og jafnvel kvíða sem hægt er að minnka með lausnarmiðuðu spjalli við aðila sem þekkir til. Meðal sjúkraþjálfara Gáska eru fagaðilar sem hafa sérhæft sig í að tækla áskoranir tengdar meðgöngu, fæðingu og meðferð við kvillum eftir meðgöngu. Það er mikilvægt að þér líði sem best á meðan þú ert að venjast hlutverki nýs / verðandi foreldris.

Breið flóra grindareinkenna hrjá sumar konur að einhverju leyti á meðgöngunni, en svara oft meðferð. Meðferð, ráðgjöf og fræðsla sjúkraþjálfara vegur þungt og skilar sér í auknum skilningi þínum og getu á hvernig þú getur haldið heilsu sem best fyrir og eftir fæðingu.

Meðgöngusund hefur reynst mörgum konum vel á meðgöngu. Meðgöngusund býður upp á sérsniðna leikfimitíma fyrir konur á meðgöngu. Tímarnir eru undir handleiðslu sjúkraþjálfara og hafa notið mikilla vinsælda. Hér geturðu lesið þér til um það sem er í boði hjá Meðgöngusundi.

Þvagleki

Hvað er til ráða? Virka þessar grindarbotnsæfingar eitthvað? Þarf ég að fara í einhverja aðgerð? Verð ég alltaf svona? Komdu og hittu sérhæfða sjúkraþjálfara sem geta hjálpað þér að komast til botns í því hvað þú getur gert til að ná betri heilsu.